• diffiniad o'r wybodaeth sydd ar gael o fewn y dosbarth;
  
• y fformat neu'r dull y'i darparir (er enghraifft, copi ar bapur drwy'r post neu drwy'r wefan berthnasol); a
  
• manylion unrhyw gostau'n gysylltiedig â darparu'r wybodaeth.

Bydd yr wybodaeth sydd ar gael ym mhob dosbarth fel arfer yn cynnwys y flwyddyn gyfredol a'r ddwy flynedd blaenorol o leiaf, oni nodir yn wahanol. Pan gyfeirir o fewn y dosbarthiadau at ddogfennau penodol, y fersiwn "terfynol" fydd ar gael oni nodir yn wahanol.

Mae'r dosbarthiadau gwybodaeth yn y Cynllun Cyhoeddiadau hwn wedi'u grwpio dan y penawdau pwnc canlynol.

1. Strwythur a threfniadaeth Cyllid y Wlad: gwybodaeth am strwythur a threfniadaeth yr Adran (er enghraifft aelodau Bwrdd Cyllid y Wlad) a'i rôl, ac mae'n cynnwys yr Adroddiad Blynyddol i'r Senedd.

2. Strategaeth a chyflawniad adrannol: cynlluniau a rhaglenni rhag blaen gan gynnwys targedau sy'n darparu gwybodaeth am gyfeiriad busnes yr Adran, gwybodaeth am gostau rhedeg, safonau gwasanaeth a chanlyniadau a gafwyd, gwybodaeth am feysydd busnes yr Adran a gweithrediadau o ddydd i ddydd.

3. Cyfarwyddyd i staff a chwsmeriaid: cyfarwyddyd technegol mewnol i aelodau yng nghyswllt y materion y mae'r Adran yn gyfrifol amdanynt, rheolau, gweithdrefnau, a.y.b. sy'n darparu dealltwriaeth well o'r modd y mae Cyllid y Wlad yn ymwneud â'r cyhoedd; hefyd cyfarwyddyd allanol a baratoir ar gyfer cwsmeriaid yr Adran.

4. Ymgynghoriadau a chysylltiadau allanol: gwybodaeth am ymgynghoriadau cyhoeddus, a gwaith yr Adran gyda rhai cyfrannog e.e. cyrff cyfrifwyr proffesiynol, grwpiau diddordeb.

5. Cyhoeddiadau adrannol: cyhoeddiadau rheolaidd ac unigryw, er enghraifft Datganiadau i'r Wasg, adroddiadau a gyhoeddir ar agweddau ar waith yr Adran, areithiau a wnaed gan aelodau o uwch dîm rheoli Cyllid y Wlad.

6. Gweithdrefnau cwyno: gwybodaeth am weithdrefnau cwyno a.y.b. yr Adran.

7. Adnoddau dynol: gwybodaeth am faterion yn gysylltiedig â staffio, swyddi gwag ar hyn o bryd, a.y.b.

8. Caffael: gwybodaeth am bolisïau caffael a chyflenwyr, gwybodaeth ynglyn â thendro a.y.b.

9. Fframwaith deddfwriaethol: gwybodaeth am y gyfraith sy'n rheoli Cyllid y Wlad ac yn sefydlu'r fframwaith ar gyfer ei gweithrediadau, gwybodaeth am Gyllideb flynyddol y Canghellor, gan gynnwys adroddiadau y mae gofyn i'r Adran eu paratoi yn unol â deddfwriaeth yn ymwneud â swyddogaethau statudol Cyllid y Wlad.

10. Amrywioldeb: gwybodaeth am bolisi cyfleoedd cyfartal yr Adran gan gynnwys cysylltiadau hiliol.